Professional tovuq yetishtirish bilan shug’ullanmaydigan odam uchun buni bilish juda qiziq bo’ladi:
1. Tovuqlar o’rtacha 14 km/soat tezlikda yugura oladi. Taqqoslash uchun, katta yoshli erkakning o’rtacha yugurish tezligi – soatiga 12-15 km
2. Dunyoda tovuqlar soni odamlardan ko’p. Ma’lumot uchun, 2020-yilda sayyoramizda 20 milliard tovuq va 8 milliardga yaqin odam bo‘lgan.
3. Tovuqlar odamlarni taniy olish qobiliyatiga ega, ya’ni u yoki bu odamni yuz xususiyatlari, qomati va boshqalar bo’yicha aniqlashga qodir.
4. Tovuqlar ranglarni odamlarga qaraganda yaxshiroq ajrata oladi.
5. Ko’pchilik jigarrang tuxumni yuqori ozuqaviy qiymati va foydaliligi tufayli oq tuxumdan qimmatroq deb o’ylaydi. Ammo bu unday emas. Narxlardagi farq faqatgina jigarrang tuxum qo’yadigan tovuqlar ko’proq ozuqa iste’mol qilishi va shuning hisobiga qimmatroq bo’lishi bilan bog’liq.