Joriy yilning 22-23 fevral` kunlari «Parrandasanoat» uyushmasi raisining o’rinbosari P. Raxmatullaev va boshqarma boshlig’i R. Abdiqodirov Samarqand viloyati Oqdaryo tumanidagi tuxum yo’nalishidagi naslchilik bidan shug’ullanuvchi «Zarafshon-Lomann parranda» MChJ shaklidagi qo’shma korxonasida bo’lishdi.
Korxonada naslli parrandalarni parvarishlash, inkubatsiya jarayonlari va parrandalarni yuqumli kasalliklarga qarshi vaktsinatsiya qilish ishlari bilan tanishildi. Tanishuv jarayonida Ukraina davlatidan jalb qilingan malakali veterinar vrach Dmitriy Bilan va uyushma masъullari veterinariya-sanitariya tadbirlari bo’yicha o’zaro fikr almashishdi.
Maъlumot uchun, tuxum yo’nalishidagi naslchilik bilan shug’ullanuvchi «Zarafshon-Lomann parranda» MChJ shaklidagi qo’shma korxonasida 60 000 dan ortiq «Super Nik», «Braun Nik», «Koral» krossli naslli parrandalar parvarishlanmoqda.
«Parrandasanoat» uyushmasi axborot xizmati