Гидрометереология мутахассисларининг хабар беришича, 9-10 декабрь кунлари Ўзбекистон ҳудудига Волгабўйи ҳудудларидан Россия Европа қисмининг шимолий ҳудудларида шаклланган совуқ ҳаво массаси кириб келиши бошланади.
10-11 декабрь кунлари республика ҳудудининг катта қисмида ёғингарчилик (ёмғир, қор), кейинги (11-12 декабрь) кунларда совуқ бўлиши кутилмоқда. Ҳаво ҳарорати кечалари -7 дан -10 даражагача, кундузи 0 дан -3 даражагача совиши эҳтимоли мавжуд. Бу эса электр ва газ таъминотида узилишлар келиб чиқишига сабаб бўлиши мумкин.
Ҳурматли тадбиркорлар, “Паррандасаноат” уюшмаси юқоридагилардан келиб чиқиб, қуйидаги кечиктириб бўлмайдиган чора-тадбирларни амалга оширишни тавсия этади:
хўжаликда муқобил электр энергияси таъминоти (дизел генератор) бўлишини ва ишчи ҳолатда эканлигини кўздан кечирилишини;
керакли миқдорда ёқилғи мойлаш маҳсулотлари, шунингдек, етарли миқдорда озуқа-ем ва сув захираси бўлишини;
сув трубаларини совуқдан ҳимоя қилувчи қопламалар (мин вата) билан изоляциялаш;
хўжаликда куну-тун навбатчилик ташкил этилишини таъминлаш.
Юқоридагилардан келиб чиқиб, хўжаликда юзага келган ҳар қандай салбий ҳолатлар юзасидан “Паррандасаноат” уюшмасига хабар беришингизни сўраймиз!
“Паррандасаноат” уюшмаси ахборот хизмати